ASTURIESpolaRENTABÁSICA

La RB no es ecléctica. O es un instrumento de transformación social, o lo es de integración en el sistema.

El tiempo de la dignidad, la hora de la Renta Básica

Las personas y colectivos firmantes del manifiesto “El tiempo de la dignidad, la hora de la Renta Básica” nos comprometemos a impulsar el debate y la movilización social para la construcción del derecho a la Renta Básica en Asturies. Frente a los discursos económicos que legitiman las políticas de empobrecimiento, y las propuestas acobardadas de rentas condicionadas, es cada vez más urgente reivindicar el derecho de todas las personas a vivir con dignidad. Es hora de la Renta Básica


               EL TIEMPU DE LA DIGNIDÁ, LA HORA LA RENTA BÁSICA

Les polítiques d’austeridá y control del endeldamientu impuestes pol gran capital al traviés de la UE mientres los últimos años, suponen un ataque a les conquistes sociales y a los drechos coleutivos construyíos por estremaes xeneraciones d’asturianes y asturianos, a lo llargo del tiempu. Impliquen la rotura del “pactu social” que dende mediaos del sieglu XX, dio llugar a la construición del Estáu del Bienestar, tal que lo conocíamos fasta agora. En consecuencia, Asturies avanza escontra un modelu social y económicu con unos índices de probeza, esclusión social y precariedá llaboral intolerables.

Gran parte la sociedá, tien ante los sos güeyos un futuru de sufrimientu, desesperamientu y precariedá vital calteníes. L’últimu informe ellaboráu dende la EAPN reflexa con crudeza la situación d’emerxencia social que carecemos. El 24% de la población asturiana ta en riesgu de probeza y esclusión social. Al mesmu tiempu, el 4,4% tien que sobrevivir con ingresos inferiores a 332 € al mes, el 7% vive en situación de privación material severa, y más de 44.000 persones sobreviven gracies al Salariu Social Básicu.

La incertidume vital y l’inestabilidá llaboral que trai consigo la economía capitalista, contrasta col aumentu la riqueza acumulada polos sectores más privilexaos. Nel añu 2015, el númberu de contribuyentes asturianos que declaraben tener un patrimoniu superior a los 700.000 euros, aumentó un 3,5% al respeutive de 2011. Según datos de l’Axencia Tributaria 3.786 persones esfrutaben, en xunto, d’una fortuna de 8.479 millones d’euros.

L´emprobrecimientu coleutivu xeneráu poles socesives reformes llaborales ye’l reflexu d’un mercáu de trabayu convertíu nuna parva d’emplegu basoria, al que la población allega a mendinguiñar dalgunes hores de precariedá llaboral. El 30% de trabayadores asalariaos nun algamen el Salariu Mínimu Interprofesional. El desempléu xuvenil llega al 47% ente los menores de 25 años, y les paraes de llarga duración representen el 45% del conxuntu paraes. Nos años vinientes, l’aplicación de les nueves tecnoloxíes, y l’automatización de los sistemes de produición, va suponer la desapaición d’una gran parte de los puestos de trabayu que güei esisten. Nesti contestu, siguir emburriando a les persones escontra’l llaberintu ensin salida de les fracasaes “polítiques actives d’emplegu” conviértese nuna irresponsabilidá.

Frente a los discursos económicos que llexitimen les polítiques d’emprobecimientu, y les propuestes acobardaes de rentes condicionaes, ye cada vez más urxente vindicar el drechu de toles persones a vivir con dignidá. Ye hora la Renta Básica.

La Renta Básica ye’l drechu de toles persones a percibir una cantidá periódica pa cubrir les sos necesidaes materiales. Ye un mecanismu que contribúi a repartir la riqueza xenerada socialmente, garantizando la redistribución de la renta. Un nuevu drechu de ciudadanía qu’asegura la posibilidá de vivir una vida digna, l’exerciciu real de drechos, y la llibertá efeutiva de toles persones.

Pero por que sía una ferramienta realmente tresformadora tien de tener delles característiques estructurales:

individual (non familiar);

universal (non contributiva y pa toe/os);

incondicional (independiente del nivel d’ingresos y del mercáu de trabayu).

Como preséu políticu pa caminar escontra una sociedá alternativa al capitalismu tien de garantizar que la cuantía sía siquier equivalente al estragal de probeza, y cada persona reciba la mesma cantidá. Ya impulsar la participación ciudadana al traviés de la comunidá, na xestión d’una parte de la Renta Básica destinada a financiar bienes y servicios d’usu coleutivu.

Pero, construyir un nuevu derechu, esixe abrir un ampliu alderique social. Namái dende la Cai d’Abaxo, por aciu la movilización social, la participación y la cadarma de persones y coleutivos sociales, pueden construyise drechos duraeros y protexíos de los cambeos na xestión de les instituciones.

Les persones y colectivos que roblamos esti manifiestu comprometémosmos a impulsar l’alderique y la movilización social pa la construcción del drechu a la Renta Básica n’Asturies.

                        Ye’l tiempu la dignidá, ye la hora la Renta Básica

 

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s

Información

Esta entrada fue publicada el marzo 1, 2017 por en Uncategorized.
A %d blogueros les gusta esto: